Landráðmenn

Stjórnvöld fara nú mikinn gegn almenningi í landinu í þeirri stöðu sem þeir komu okkur í.
Þar ráða ferðinni sérhagsmunir útgerðar eftir botnlausar skuldsettar yfirtökur lána,  ásamt ofsa trúarkenningum í peningamálum.

Vaxtahækkun aðalsmanna landsins er svívirðileg og gerir út um hag fyrirtækja heimila og einstaklinga. Og nú er boðuð skattahækkun. Hinir erlendu gróðapungar sem þvinga fram  5% okurvaxtakröfur meðan t.d seðlabanki BNA hefur 1 % vexti.

Við getum aldei borgað þetta.

Til fólksins í landinu segi ég : mótmælum með öllum ráðum í verki og orðum.
Allsherjarverkfall göngur og mótmæli við álverin  í eigu auðmanna.
Spunameistarar og landráðamenn hafa nógu lengi blekkt okkur.

Ég  vil sérstaklega hvetja alla sem eru óánægðir með stöðu okkar Íslendinga  að mæta í kröfugönguna í dag, það er okkar borgarleg skylda

Aldrei að víkja!

Aldrei að víkja.

Ég líkt og þúsundir annarra Íslendinga stunda mína atvinnu, ég er þjóðhollur, landið er uppsprettan sem ég leita til á gleði og sorgarstundum.

Ég eins og tugþúsundir Íslendinga er ég saklaus.

Saklaus af útrásarblekkingunni sem skuldsetti landið og stal bankainnstæðum okkar.

Saklaus af stjórn peningamála sem gerði landið gjaldþrota.

Saklaus af hirðuleysi stjórnvalda sem gerði vondan hlut verri.

Saklaus af svívirðilegri hækkun vaxta sem gengur frá  atvinnulífi  og fjölskyldum.

Þrátt fyrir þetta allt er ég orðinn sakamaður.

Svokölluð ríkisstjórn landsins  hefur gengist inn á afarkosti erlendra fanta sem vilja setja okkur  í spennitreyju. Gera okkur að undirsátum láta okkur greiða skaðabætur beinar og óbeinar, ofurvexti af útlendum og erlendum lánum.                                Þessir menn eru landráðamenn.

Við hinu erlendu fanta og þau ríki og einstaklinga sem stjórna þeim og hafa komið og vilja  knésetja okkur hef ég aðeins ein skilaboð. Varið ykkur ! Vanmetið ekki þann styrk sem býr innra með þjóðinni.
Við þurfum einnig að nefna þá ofurríku einstaklinga sem hafa nánast öll völd í peningaheiminum. 

Mestu máli skipti að þjóðin brjóti af sér hlekkina. Við skulum muna að hjálpin kemur ekki að utan. Endurreisnin verður með okkar styrk okkar starfi okkar staðfestu.

Þeir erlendu auðhringir sem eru í eigu þeirra ríkja og einstaklinga sem hafa skaðað okkur munu aldrei fá að starfa hér óáreittir meðan fólkið missir viðurværið og  meirihluti þjóðarinnar verður gjaldþrota.

Guð gef þú okkur styrk til að hrinda óréttlætinu binda endi á þjáningarnar reisa við hina niðurlægðu.

Aldrei að víkja. 

 

“Við ætlum ekki að greiða skuldir íslenskra óreiðumanna erlendis”, sagði Seðlabankastjóri.

“Við ætlum ekki að greiða skuldir íslenskra óreiðumanna erlendis”, sagði Seðlabankastjóri. 

Hverjir eru óreiðumenn, jú það eru menn sem borga ekki skuldir sínar, það kenndi amma hans honum.  Ég veit ekki hvort það hafi verið til í réttlætisvitun ömmunnar að t.d. ákvarðanir stjórnmálamanna um að ráðstafa almannafé umfram heimildir flokkist undir óreiðu í fjármálum.

Spurning hvort sú gamla hafi þekkt orðið í því samhengi, en etv. á orðið  “óráðsía” betur við.  Sá litli virðist a.m.k. ekki hafa skilði það orð ef amman hefur á annað borð geymt það í hugskoti sínu og skýrt það út fyrir litla drengnum að stórfelld framúrkeyrsla og stjórnleysi í framkvæmdum við mannvirki eins og Perluna og Ráðhús Reykjavíkur gæti verið eitthvað sem þyrfti að eiga orð yfir og muna. 

Það má vel vera að við værum betur sett í dag ef gamla konan hefði kunnað skil á fleiri orðum og hugtökum en sá litli fékk að læra af henni.  Að minnsta kosti hefur framhaldsmenntun hans ekki nýst sem skyldi á síðustu árum.
 

"Gjaldþrota sjávarútvegur"

Nú er búið að redda bankakerfinu fyrir horn og það á að taka gífurleg lán til að byggja upp eginn fjárhagsstöðu bankana.

Í ljós hefur komið að leggja á byggingaiðnaðinn á hliðina sem er 10% af þjóðarframleiðslu, ég ætla ekki að útlista afleiðingar þess.

En almenningur og fréttamenn hefa spurt forráðamenn þjóðarinnar réttilega " hvað á að greiða með þessum lántökum " svörin eru ein enn lýgin og útúrsnúningar.

Þeir þora einfaldlega ekki að segja þjóðinni af skuldastöðu sjávarútvegsins en mest af þessum lánum mun fara í að halda uppi gjaldþrota sjávarútvegi næstu 3-6 árinn.

Nú liggur fyrir álit Sameinuðu þjóðanna um að úthlutanir aflaheimilda séu brot á mannréttindum.

Því spyr ég ætlar Alþjóða gjaldeyrissjóðurinn að fjármagna stærsta atvinnuveg landsins sem starfar gegn og brýtur í bága við mannréttindi. ?

Hvað Skuldum við í útlöndum. ?

Ég í bloggi mínu hef ég að undanförnu margvarað við þeirri ákvörðun Ríkisstjórnar Íslands að tryggja aðeins innistæður íslenskara sparifjáreiganda bankanna. Þetta er brot á jafnræðisreglu skv EES samningi.

Á þessi sjónarmið hafa okkar alvitru stjórnmálamenn ekki hlustað.

Nú hefur fallið dómur í fógetarétti í Noregi sem staðfestir álit mitt. Hann mun verða staðfestur ef þurfa þykir í öllum dómstigum allt upp dómstól EFTA .

Staða okkar er skv þessu mjög alvarleg eins og allir eru ræða um.

Ég vil benda á einu hugsanlegu málsvörnina fyrir okkur.

Hún er eftirfarandi ;. Ríkisstjórnin var að forða neyðarástandi sem hefði skapast vegna hlutfallslegar stærðar vandamálsins.
Hér voru flestir að tapa einhverju. Hefði komið tilkynning um að innistæður væru ekki tryggðar þá hefði allt gengið hér af göflunum með uppþotum og lögleysu. Tryggingaryfirlýsing ríkisstjórnarinnar var til að verja almannahagsmuni og heill þjóðarinnar.
Í þvílíkum tilvikum má víkja tilskipunum EES samningsins til hliðar

Hvaða þingmaður ætlar að stíga fram ?

Kreppa sú sem er að sliga heiminn er vegna svokallaðra afleiðu viðskipta. Þetta er fyrirbæri sem er mitt á milli skuldabréfaútgáfu veðmálastarfsemi og seðlaprentunar. Björgunaráætlanir BNA eru ekki nægilega stórtækar segir t.d forsætisráðherra Japans. Kreppan gæti orðið töluvert erfið. Svona afleiðuviðskipti munu verða bönnuð í framtíðinni.

Við á Íslandi settum neyðarlög vegna gjaldþrota bankanna Þau voru með ákvæðum sem ívilnuðu íslenskum aðilum sérstaklega. Þetta tóku Bretar og aðrar þjóðir óstinnt upp með afleiðingum sem öllum eru kunnar.

Réttmætar gjaldeyrisfærslur sem eiga að koma til fyrirtækja landsins eru frystar af erlendum bönkum. Við búum nú við neyðarástand, sem við sjáum ekki fyrir endann á.

Alþingismenn í stjórn og jafnvel stjórnarandstöðu skynja ekki þá hættu sem þessi sérstöku ákvæði um forgangskröfur sparifjáreiganda í þrotabú bankanna skapar.Þeir álykta sem svo að þarna sé um lagatæknileg atriði að ræða.

Staðreyndin er hinsvegar sú að hættan er mikil á að lögmenn kröfuhafa stefni ríkinu. Þeir hafa ýmsar leiðir hjá dómstólum utanlands og innan.

Frysting gjaldeyristekna er hin hættan sem er orðin að veruleika.

Álitshnekkir sem landið er að verða fyrir vegna þessara atriða er nú þegar mikill og hann mun ekki fara minnkandi.

Skaðabótaskylda ríkissjóðs getur orðið geigvænleg.

Einföld leið er að lýsa bankana gjaldþrota þ.e gömlu bankana og halda fund með kröfuhöfum . Þar mun koma í ljós að Íslenska ríkið skuldar ekkert.

Það mun auðvitað greiða matsverð fyrir innlenda hluta gömlu bankanna Að sjálfsögðu þarf að breyta ákvæðum neyðarlaganna.

Það er mikilvægt fyrri alla að gera sér grein eins og ég hef bent á í bloggi (Almenningur ábyrgur fyrir bankasukki ) og síðar tveir virtir lögmenn í Morgunblaðinu að íslenska ríkið ber enga lagalega eða siðferðilega ábyrgð á innistæðum bankanna.

Afneitum þingmanna á staðreyndum minnir óþægilega á afneitun margra þegar útrásin fór að súrna og aðvaranir bárust alls staðar að. Eins og nú þegar menn segja að Bretar séu í pólitískum leik sem er auðvitað ekki rétt, menn gáfu allskonar skýringar á gagnrýni á atferli útrásargreifanna. Blásið var á heiðarlega og faglega gagnrýni sögð gjarnan vera byggð á annarlegum hvötum.

Þingið verður að kannast við staðreyndir þjóðarheill liggur við.

Hvaða þingmaður ætlar að stíga fram ?

Egill á bömmer

Þvílíkt klúður hjá einum þáttastjórnanda, eitt það vesta sem ég hef séð í Íslensku sjónvarpi.

Almenningur ábyrgur fyrir bankasukki ?

Það er túlkað svo að við sem erum fólkið á Íslandi séum ábyrg fyrir 1300 milljarða króna tapi erlendra sparifjáreiganda sem lögðu inn peninga á bankareikninga í sínu heimalandi.

Ef tilskipanir ESB (evrópusambandsins) eru skoðaðar þá er ljóst að þar er mikil, vafi á að þessi túlkun sé rétt.Tilskipanir ESB um tryggingasjóð er augljóslega gerðar til þess að tryggja gegn ólíklegu gjaldþroti einstaka banka.

Þegar um það er að ræða að neyðarástand ríkir þá koma önnur lögmál til og þegar almannaheill krefur eins og nú er á Íslandi þá víkja tilskipanir sambandsins til hliðar að mínu mati.

ESB þarf að ávarpa íslensku þjóðina beint. ESB þarf að skýra hvað sambandið hyggst gera varðandi kröfur Hollendinga og Breta á hendur saklausum og óafvitandi almenningi Íslands. ESB þarf einnig að segja hvað það ætlar að gera vegna aðgerða bresku ríkisstjórnarinnar gegn íslenskum fyrirtækjum og ríkisstjórn.

p.s.  blog þetta verður sent fastanefnd ESB hjá EFTA . Í vinnslu er myndband á ensku til þess að kynna þessi atriði.

Píparinn Ráðagóði

 

 

 

 

 

 

 

Ljósmynd: Ráðherrabústaðurinn

Eins og margir vita þá er ég pípari og fyrir nokkrum árum fekk ríkisstjórnin mig til að endurnýja allar lagnir í Ráðherrabústaðnum.
Þetta var töluverð vinna og ég fékk nokkra Pólverja á vinnuleigu  til að vinna  verkið. Verkefnið gaf vel af sér og flutti ég allan hagnaðinn af því til  útlanda.

Ráðherra greiddi með ánægju og þakkaði mér vel fyrir.

En nú víkur sögun að síðustu viku.  Ráðherra hringir í mig og sakar mig um   handvömm því allar lagninnar séu ónýtar og ekki bara það heldur eyðilagðist  allt húsið meira og minna í lekanum.

Ég fór í það að róa ráðherrann og sagði honum að það væri  ekkert mál að laga þetta.  Á meðan á viðgerð stæði væri engin ástæða  til að leita að sökudólgum, hann yrði bara að hafa það hugfast að hann  þyrfti að borga viðgerðina og fullt kaup fyrir mig og vinnumenn  mína. Reyndar yrði þetta töluvert dýrt því nú væru ekki hægt að fá  Pólverja.  Þeir eru nefnilega allir flúnir landið.

Hann maldaði móinn en ég lagði mikið á mig til að sannfæra hann  um að nú þurfi menn að fylkja sér saman og ekki vera stöðugt að benda á ábyrgðir og sökudólga og benti á hliðstæð dæmi sem ég hafði  lent í.

Ráðherra benti mér þá á að betra væri fyrir mig að ráða mér tvo lífverði, því hugsanlega yrði Sérsveitum vísað á mig.

Þótt hann hafi enga trú á mér er ég samt að gera við Ráðherrabústaðinn og ríkið verður að borga allan brúsan.

Ég reyndar hálf vorkenni Ráðherra því hugsanlega missir hann Ráðherrabústaðinn líka  út af óvæntum kostnaði.

Er ekki gott að búa á Íslandi og vera Íslendingur þar sem fegurðin  er óendanleg og dugnaður landans endalaus auðlind, þar sem  embættis og ráðmenn bera ekki ábyrgð og réttur almennings nánast enginn. Og nú ríður á að fylkja sér saman til að nýta sér dugnaðinn og afneitun Íslensku þjóðarinnar við að skoða fegurðina það er ekkert mál að lifa á því þegar allt annað er þrotið

Handvömm eða Vítavert gáleysi

Fyrir skömmu voru samþykkt neyðarlög um banka.

Þessi lög standast enga nákvæma skoðun eins og er nú að koma í ljós. Lögin munu skapa háar skaðabótakröfur á íslenska ríkið. 

Staðan er það alvarleg að Ríkisstjórnin verður að segja af sér. Það væri  liður í  tilraun til að vinda ofan af keðju mistaka sem ríkisstjórnin hefur gert síðustu daga vitandi eða óafvitandi. Það eru að öllum líkindum aðeins tveir möguleikar í stöðunni.

Sá fyrsti er að fá hér Alþjóðagjaldeyrissjóðinn til að bjarga málunum, hinn er sá að mynda nýja ríkisstjórn og þá helst þjóðstjórn. Þessi stjórn myndi leggja öll spil á borðið og  mæta vandanum á siðmenntaðan hátt.  Með þessum hætti er hugsanlegt að við náum með hjálp frænd og vinaþjóða að semja okkur út úr þessu.