Gríma fáránleikans

Myndin er af grímu fáránleikans

Ég  spyr mig hvernig get landsmenn treyst Ingibjörgu Sólrúnu  fyrir stjórnun landsins, þar sem hún gætir ekki að eigin heilsu.

Mannkynssagan

Mannkynssagan segir frá mörgum herforingjum, og mönnum í valdastöðu sem hafa tekið líf sitt eftir að þeir hafa tapað styrjöldum eða gert afdrifarík mistök, en ekki man ég eftir neinum sem beið með það í 112 daga og var jafnframt búið að draga upp að gálganum.

Björgvin segir af sér

Snerting

Hlustaði á Geiri á Goldfinger og Gunnar í krossinum á Útavarp sögu, í lokinn sagði Gunnar í krossinum komið til mín og komist í snertingu við guð. En Geiri á Goldfinger sagði komið til mín en það er bannað að snerta.

Róttækar breytingar

Á  myndinni má sjá gömul verk Framsóknarmanna

Nú fer um forystulausa samfylkingu.

Fanganýlenda sjálfstæðismanna, þar breytist ekkert, enda eru þeir þar af eigin ósk.

Höldum áfram að bulla á blogginu

Ég borða geirfuglsbringur hjá Möggu systir í kvöld, fer svo austur í sumarbústað, til að komast undan eitur reyknum og hávaðanum.

Gleðilegt nýtt ár öll sömul og höldum áfram að bulla á blogginu, það tekur hvort sem engin mark á þessu bloggliði.

Gleðileg Jól

Ég vil óska öllum í bloggheimum nær og  fjær Gleðilegra Jóla og farsældar á komandi ári. Eins óska ég og vona að Íslendingar og bloggarar læri skoðanaskipti, eins og á að stunda þau. Og hætta  einhliða skrif  trúarskoðana á einstökum málefnum og skrifi bloggrein eftir blogrein um sömu einangruðu skoðun sína, Kynnum okkur allar hliðar viðfangsefnisins  og skrifum bæði um kosti þess og galla, það stuðlar að betra þjóðfélagi að kunna að rökræða.

Í Gamla Bakaríinu á Ísafirði

 

Seint í haust fórum við pabbi í smá ferðalag Vestur á firði og var margt skoðað þar og ferðin í alla staði skemmtileg.
Einn viðkomustaðurinn var Ísafjörður og veðrið var ekki til að spilla þessum deigi frekar en öllum hinum.

Pabbi vild endilega bjóða mér upp á kaffi í Gamla bakaríinu á Ísafirði enda vorum við orðnir kaffi þyrstir. Ég pantaði mér rúnstykki með kaffinu en Pabbi keypti sér sætabrauð, meðan unga stúlkan afgreiddi okkur hóaði pabbi í konu á hans aldri sem var að vinna bakatil sem reyndist vera eigandi sjopunar.

Fljótlega kom í ljós að þau þektust og fóru að rifja upp gömul kynni sem reyndust vera frá 1947. Mér sýndist koma glampi í augun á þeim báðum og hálfgerður prakkarasvipur leyndi sér ekki, ég læddi mér út í góða veðrið til að drekka kaffið en úti voru þessi fínu borð og stólar.

Ég virkilega naut veðursins og sá þetta myndaefni sem birtist hér.

Ég var búin að bíða lengi þegar Pabbi kom loksins út úr bakaríinu, var hann hálf strákslegur á svipinn eins og hann hafi verið að hnupla snúð.

Þekktirðu konuna spurði ég, jaáaa ja ég meina já sagði hann höktandi. Já mér sýndist það sagði ég, já sagði hann hálf hlæjandi núna og náði valdi á sér, ég var að rifja upp með henni þegar ég varð Íslandsmeistari í bruni hér 1947 ( þá var ég enn í pungnum á þér skaut ég eldsnöggt inn í ) hann hló og hélt áfram með íslandsmeistartillann nei sorrí titilinn. Og svo kom þetta í endann, Steini ég skil ekki hvernig ég varð Íslandsmeistari í bruni því mér fannst ekkert renna hjá mér, var nánast stopp á slettunni. Sjáðu til mikið djöfull hafa hinir þá farið rosa hægt.
Ég gafst upp á að ræða um konuna við hann ,, ! Og við héldum áfram ferðinni.

Notkun piparúða stórhættuleg.!

Í mótmælunum við lögreglustöðina nú á laugardag notaði lögreglan piuparúða í lokuðu rými og án þess að veita viðvörun. Engin afgerandi neyð eða lífshætta lögreglu var til staðar við þetta tækifæri eins og síðar kom í ljós.

Bandarískar rannsóknir sýna að piparúði er stórhættulegur og getur valdið blindu og krabbameini mörgum árum síðar. Sérstaklega í lokuðu rými. Nú þegar eru í gangi lögsóknir á hendur lögreglu og fangavörðum sem hafa beitt þessum vopni í Bandaríkjunum. Piparúði hefur valdið 2 gráðu bruna og blindu ásamt heilsufarsvandamálum jafnvel hjá fólki sem er langt frá gasinu.

Þetta leiðir hugan að gasnotkun lögreglu við Rauðavatn . Það var auðvitað jafn óábyrgt.

Það er krafa að lögreglustjórinn og dómsmálaráðherrann segi af sér og að málið verði rannsakað af óháðum aðilum.

Annar glæpur lögreglustjórans var að handtaka mann ólöglega og koma síðan með spuna um lögmæti aðgerða sinna.

Staðhæfingar um að lögregla hafi beitt minnstu valdbeitingu er hlægileg.

Lögreglan má aldrei verða hættulegri en glæpa og afbrotamenn.
 

Guðlaugur Þór Þórðarson heilbrigðisráðherra hellir sér í kosningar.

Ljósmynd: hundurinn Guðlaugur 

 

 

 

 

 

 

 

 

 

Margar og sterkar vísbendingar eru um að kosningar verði fyrr en formenn stjórnarflokkanna hafa gefið til kynna. Það á ekki bara við að ráðherrar Samfylkingarinnar hafi kynnt það í orðum sínum nýlega. Mun sterkari er sú vísbending sem kemur fram í Morgunblaðinu í dag (sunnudaginn 23. nóvember) en þar lætur Guðlaugur Þór Þórðarson heilbrigðisráðherra hverfisfélög Sjálfstæðisflokksins í Grafarvogi, Grafarholti, Árbæ og Breiðholti auglýsa fyrir sig fund í Gerðubergi mánudaginn 24. nóvember nk.

Eins og allir hafa tekið eftir hefur Guðlaugur látið fara lítið fyrir sér að undanförnu, enda ekki vænlegt til frama að taka þátt í vandræðagangi forystunnar. Það er ekki fyrr en nú á síðustu dögum að hann hefur aðeins látið til sín heyra enda þarf hann virkilega að geta flaggað sér og sínum á Landsfundinum í janúar.

Þó Guðlaugur hafi bara gert fátt á sínum pólitíska ferli, og það flest snautlegt eða hefði betur látið ógert, hefur hann lag á að smeygja sér á framavagninn og ferðast með honum og stolnum fjöðrum til metorða. En lengst fer hann þó á þykjustunni og munnmælum sem hafa komið honum að góðum notum í kosningabaráttu og enginn nennir að velta raunveruleikanum fyrir sér þegar drengurinn er kominn í áhrifastöðu. 

"Flestum finnst kannski skipta litlu máli hvar hann er blessaður, hann getur alveg fengið að vera með við kjötkatlana eins og hinir." Enda hefur mestu skipt fyrir Sjálfstæðisflokkinn að halda sæti sínu þar, hugsjónirnar löngu dauðar hvort sem er og hafa ekki náð að slíta barnsskónum frekar en stjórnir Heimdallar hverju sinni. 

Það þarf ekki annað en að skoða fjölgun opinberra starfsmanna í valdatíð flokksins til að fá sönnur fyrir þeirri staðhæfingu.  Einnig þori ég að fullyrða að flestir þeirra sem munu mæta á fundinn hjá Guðlaugi á mánudaginn eru (eða verða) opinberir starfsmenn, enda borga þeir auglýsinguna og fundakostnaðinn sem félagsmenn í hverfafélögunum og vilja því alla vega fá kaffi og með því fyrir að standa undir kosningabaráttu ráðherrans.

Hæfur Stjórnandi

 

 

 

 

 

 

 

 

 

 

Eftir að hæfur stjórnandi hefur lagt fyrirtækið á hliðina og sýnilega þarf að hefja björgunaraðgerðir, kemur hann hlutunum þannig fyrir að aðrir taki við uppbyggingunni án þess að fyrirtækið skaðist meira, ef hinsvegar er sýnt að hann geti unnið að björguninni sækir hann sér nýtt umboð til eigendanna.

 

Síðan að öðru, ef takast á að styrkja Íslensku krónuna verður að setja neyðarlög, þar sem öllum útflutningsfyrirtækjum verður gert skylt að skila gjaldeyrinum til seðlabankans.