Við stefnu óðfluga í spor Þýskalands eftir fyrri heimstyrjöldina.

Satt best að segja er ég orðinn svolítið þreyttur á blogginu. Ekki tilvist bloggsins sjálfs heldur þeirri einlitu umræðu sem þar fer fram. Út af reiðinni sem endurspeglast í öllu blogginu, en reiðin ætti að vera farin að breytast í ótta og það ættu að vera komin fram ráð til að bjarga okkur út úr vandanum.

Ennþá er umræðan í því einlita fari að snúast um leitina að orsökum, því hvað fór úttskeiðis, hver kastaði fyrsta egginu í Alþingishúsið, hvað hinir og þessir eru að segja eða ekki að gera - finna sökudólgana sem allir vita að eru " íslenskir stjórnarmenn, bankamenn, almenningur og útrásarvíkingarnir".  Bara spurning hver á að dingla fyrstur í gálganum.

Ég vil í þessu samhengi alls ekki skilja frá þingmenn sem hafa sig (eða hafa haft sig) í frammi í blogginu.  Ýmist hafa þeir horfið af vettvangi bloggsins eða eru síröflandi um hvað gerðist og hvað hefði átt að gera. Til gamans má þar nefna  "níutíufermetrasumarbústaðaÞingvallamanninn" sem býr á Selfossi.

Hvar eru raunhæfar lausnir frá þessum mönnum sem bjóða sig fram til að starfa fyrir almenning. Svo er hér annað sorglegt dæmi um vangetu stjórnmálamanns, af borgarafundi sem haldinn var í Iðnó á laugardaginn. „Hann“, varaformaður Samfylkingarinnar öskraði á fólkið og boðaði þeim vaxta- og skattahækkun, áframhaldandi verðtryggingu, nema við göngum í Evrópusambandið og tökum upp Evru. Þetta er þingmaður ríkisstjórnarflokks. Sem sagt; „Samfylkingin ætlast til þess að við förum innan skamms í bifröð eftir súpu dagsins“.


Eitt er öruggt að Ríkisstjórnin, sem er algerlega rúin trausti fólksins í landinu, hefur staðið fyrir nokkrum handahófskenndum aðgerðum frá því að Neyðarlög voru sett: Þeir stóðu að uppboði á erlendum gjaldeyri fyrir bankanna, settu gengið fast í einn dag , lækkuðu stýrivexti og hækkuðu svo strax í kjölfarið.  Allt mjög traustvekjandi.


Í raun og veru liggur lausn vandans í þremur megin atriðum, (sem ætti að sjálfsögðu að vera búið að leysa nú þegar):


1.                 Styrkja krónuna!
2.                 Sprauta fjármunum in í fyrirtækin!
3.                 Verja hag heimilanna!
 
Brýnt er að Ríkisstjórnin gefi út þá yfirlýsingu að almenningur fái innan skamms umboð til að velja að nýju ráðamenn til að stjórna okkar, "Nýja Ísland." Ég ætlast ekki til þess af þeim að þeir upplýsi mig um hvað þeir eru að gera núna og hvað þeir ætli svo að gera. Það er óþarft af því ég veit að þeir eru ekki að gera neitt og þeir ætla ekki að gera neitt. „Verið ekki að tefja þetta og valda meira tjóni – ákveðiði bara kosningadag“.


Að lokum vil ég benda á eftirfarandi:
Við stefnu óðfluga í spor Þýskalands eftir fyrri heimstyrjöldina. Þar voru allir upp á móti hver öðrum, hver benti á hinn og allir kenndu hver örðum um ófarirnar. Þá kom lausn vandans með þeirri skelfingu sem við öll þekkjum í dag.  Ætlum við sömu leið?