Er þetta hægt

Skuldirnar afskrifaðar af því að það þótti óheppilegt að æðstu stjórnendur bankans færu að selja bréfin og við það kæmist órói á markaðinn.  Skýringar þessara manna eru farnar að líkjast orðræðu núverandi og „fyrrverandi“ pólitíkusa.  Ef menn með innherjaupplýsingar selja hlutina sína kallar það á rannsókn Fjármálaeftirlitsins.

Fellst kannski vantrú í þessari samþykkt stjórnar Kaupþings (ex) á að Fjármálaeftirlitið myndi sinna skyldum sínum hvað þetta varðar. 

Kaupþingsmenn ættu a.m.k. að þekkja betur til vinnubragða á þeim bæ en við, sauðsvartur almúginn. 

Er ekki kominn tími til að setja lok á þá húsgrunna sem standa nú opnir í miðborginni og stinga þessum dónum í svartholið.  Þeir geta fengið hita hver frá öðrum þar á meðan mennirnir á „Svörtuloftum“ hía á þá                                  

               – þó þeir í rjáfrinu eigi nú líka heima í holunni.