,,stjórnsýsluúttektarnefndin

 

 

 

 

 

 

 
Ljósmynd: Þjóðararfur

Svokallaður stýrihópur í REi málinu hefur fellt sinn  Salómonsúrskurð.Þar er ekkert minnst á að verðmæti sem voru látin af hendi eigi að bjóða út á almennum markaði.Þessi hópur er auðvitað settur upp til að blekkja almenning.

Í endurvinnslu ferilsins mun það  gerast að nákvæmlega sami samningur um samruna,  gjöf á ráðgjöf og orkulindum
til handa völdum auðjöfrum verður búinn  til, ,,aðeins orðalaginu verður breytt".

Til þess  að gera allt þetta trúverðugt verður gerð svokölluð stjórnsýsluúttekt á Orkuveitunni .
Þarna á að finna sökudólga og fórna þeim. Til að auðvelda störf stjórnsýsluúttektarnefndar legg ég til að mennirnir með ættarnöfnin fái að fjúka þ.e þeir Þóroddsson og Kvaran. Þetta mál mun þá leysast auðveldar en olíusamráðsmálið.

Samfylkingin  gefur sig út fyrir að vera sérstakur málsvari Evrópusambandsaðildar.
Reglur Evrópusambandsins kveða  á um réttlát og opin útboð á öllu svæðinu þegar opinberir aðilar selja umtalsverðar eignir, eða þegar þeir kaupa þjónustu eða verðmæti. Rétt er að athuga að ef menn ætla að halda samrunanum til streitu skal minna á að samruni af þessari stærðargráðu er  háður sérstöku leyfi frá Evrópusambandinu, takið eftir góðir hálsar! ,, eftirlitsstofnun EFTA hefur ekkert með slík mál að gera ".
Þetta gildir auðvitað einnig hjá okkur vegna þess að við erum með EES samninginn sem hefur í för með sér  sömu réttindi og skyldur og Evrópusambandsríkin hafa.

 ,,Ráðherrar Samfylkingar eða borgarfulltrúarnir  hafa engann áhuga á svoleiðis óþægindum".

Þeir lýsa því hikstalaust yfir að tuga eða hundruða milljarða samningar séu ekki útboðsskyldir og í góðu samræmi við EFTA reglur.
Þar fer iðnaðarráðherrann fremstur í flokki.
Það er ljóst að pólitískt verðgildi Össurar er í frjálsu falli jafnvel þó hann sé með annan fótinn í Indónesíu og hinn í Filippseyjum eða hvað svo sem þessi lönd heita.
Það er rétt að upplýsa að heilbrigðisvottorð frá Eftirlitsstofnun EFTA er vafasamt , Innvígðir og innmúraðir einstaklingar hafa sagt að eftirlitsstofnunin sé einfaldlega nokkurskonar framlenging af ráðuneytum á Íslandi og Noregi. Það má sjá að hún virðist mest fást við hinn smærri mál og þá væntanlega til að slá ryki í augu almennings og Evrópusambandsins.
Undirritaður vonar að þetta sé á misskilningi byggt.

Það verður skrifað meira síðar um þetta og þá verðu bætt inn  sögunni um Danice sæstrenginn en þar er á ferðinni eitt svindlið enn þar sem handvalinn ofurkrati á að fá sæstrenginn afhentan á ofurkjörum.

 Steini Pípari